Американската Канцеларија за контрола на странски средства (ОФАК), надлежна за спроведување на санкциите на Министерството за финансии на САД, ѝ издала нова лиценца на компанијата Нафтена индустрија на Србија (НИС), објави „Данас“.

Со лиценцата, наводно, се дозволуваат преговори за продажба на рускиот удел во НИС, при што рокот е продолжен до 24 март, пишува весникот во кратка објава, повикувајќи се на свои извори.

Во исто време, како што се наведува, ОФАК не ѝ дозволил на НИС да продолжи со редовно работење во овој период.

Српската компанија НИС, која е во доминантна руска сопственост, на почетокот на декември соопшти дека нејзината рафинерија во Панчево го прекинува производството поради недостиг на сурова нафта, како последица на американските санкции воведени против субјекти поврзани со Русија, поради инвазијата врз Украина.

Србија очекува позитивен исход со НИС до крајот на јануари