Поранешниот безбедносен агент на Кремљ и телохранител на Путин, Алексеј Дјумин е потенцијален кандидат за руски министер за одбрана. Разрешување на актуелниот министер за одбрана Сергеј Шојгу бараше шефот на Вагнер групата Евгениј Пригожин поради што се обиде и да исценира државен удар на 24 јуни годинава .

Додека групата Вагнер маршираше кон Москва за време на краткотрајниот бунт на Пригожин, тој изјави дека неговата цел е оставка на луѓето, однсно генералите кои ја водеа војната во Украина – Шојгу и началникот на Генералштабот Валери Герасимов. По неуспехот на Пригожин и бунтот за остваурвање на целта , аналитичарите проценуваат дека сепак Путин планира да го смени Шојгу од министерската функција.

Се претпоставува дека токму Дјумин може да седне во фотелјата на министерот Шојгу, а како информација доаѓа и податокот дека Дјумин и Шојгу работеле заедно одредено време во Министерството за одбрана.

Руските воени аналитичари се речиси сигурни дека Алексеј Дјумин „веројатно ќе стане новиот министер за одбрана“.

Се појавија и шпекулации дека Дјумин учествувал во преговорите со Пригожин пред белорускиот претседател Александар Лукашенко да посредува за договор за да се избегне „крвопролевање“. Кремљ соопшти дека според постигнатиот договор Пригожин ќе замине во Белорусија, а кривичната постапка против него ќе биде повлечена.

Независниот медиум Медуза во октомври 2022 година, цитирајќи извори блиски до Кремљ, објавија дека односите меѓу Дјумин и Шојгу кога работеле заедно во министерството не биле добри.

Институтот за проучување на војната, со седиште во САД,во својата анализа наведува дека не може да ги потврди шпекулациите дека Дјумин ќе го замени Шојгу, но дека „секоја промена во раководството на тоа министерство ќе биде значајна победа за Пригожин“.

Кој е фаворитот на Путин?

Роден во Курск, западна Русија, на 28 август 1972 година, Дјумин е поранешен агент на Федералната гарда (ФСО).

Во 2014 година, тој тајно ја водеше операцијата за извлекување на соборениот украински претседател Виктор Јанукович од Крим и го префрли на безбедна локација во Русија, за да избегне апсење од новите украински власти.

Russian sources say Aleksey Dyumin, former bodyguard of Putin and current governor of the Tula region, might become the new Russian defense minister replacing Shoigu. They say it was him that unofficially resolved the conflict with Prigozhin. Surovikin might become Chief of GS. pic.twitter.com/jspX6bAk22

— NOELREPORTS ?? ?? (@NOELreports) June 25, 2023

Тој, наводно, ја добил довербата на Путин со тоа што го спасил рускиот претседател од „сигурна смрт“ кога мечка се обидела да упадне во оддалечената планинска резиденција на претседателот.

Поранешниот телохранител на Путин регрутирал врвни воени инструктори за обука на новата армија оператори со беспилотни летала додека Русија се обидува да ја врати надмоќта во воздухот во својата војна против Украина.

„Од почетокот на специјалната воена операција Алексеј Дјумин е во постојана коордеинација т со руското Министерство за одбрана, со командата на единиците. Совладувањето на вештините за користење на беспилотни летала ќе им овозможи на воениот персонал компетентно да ги извршува поефикасно своите задачи“ од воздух, изјавил Дјумин.

While all eyes are on Gen. Surovikin, another mutineers’s favourite for defence minister, governor Aleksey Dyumin, was congratulating school graduates in Tula yesterday. Back to civilian life after posing as a great military chief a day after the putsch. pic.twitter.com/2DRM2V3AGM

— Leonid ХВ Ragozin (@leonidragozin) June 29, 2023

Дјумин служеше како заменик-шеф на воената разузнавачка служба ГРУ и има воен чин генерал-полковник.
Путин во моментов го користи како личност од одверба која го надгледува собирањето воени резерви на бојното поле во Украина.

Дјумин се почесто се споменува на државната телевизија поради неговата лојалност кон рускиот лидер.