Масимилијано Алегри од следната сезона повторно ќе го предводи Јувентус. Бројни извори од Италија тврдат дека челниците на Јувентус го избраа Алегри да биде наследник на Андреа Пирло и со тоа ја признаа својата грешка кога пред две години му дадоа отказ.

Тогаш Алегри беше заменет со Маурицио Сари кој во Торино остана само една сезона по што на клупата седна тренерот-дебитант Андреа Пирло кој не ги оправда очекувањата и згора на тоа ја загуби шампионската титула во Серија А.

Everything pointing towards the return of Max Allegri at Juventus! Ronaldo very likely to leave in this case, while for me, Pirlo should be given a chance to return to the U23 team. pic.twitter.com/KVIK4WYzLQ

— Adriano Del Monte (@adriandelmonte) April 28, 2021

Враќањето на Алегри на клупата на Јувентус значи дека од Торино си заминува најголемата ѕвезда Кристијано Роналдо. Роналдо не е во добри односи со тренерот, а новинарот Адријано Дел Монте, кој ги следи случувањата во Јувентус, тврди дека Португалецот на лето ќе си замине.
Дел Монте исто така тврди дека Пирло ќе остане во Јувентус и тоа како тренер на вториот тим за да продолжи да се развива како тренер.

Масимилијано Алегри на клупата на Јувентус дојде на местото на Антонио Конте и освои пет шампионски титули во Серија А, а притоа играше и во две финалиња во Лигата на шампионите кои ги загуби од Барселона (2015) и Реал Мадрид (2017).