10.8 C
Скопје

Аларм од Литванија: Мерните станици за радијација во Белорусија не работеа неколку часа

По наводниот инцидент во белоруската нуклеарна електрана „Аставец“, мерните станици за радијација неколку часа не работеа, поради што податоците за следење на радијацијата во Белорусија не беа достапни, соопштија денеска литванските власти и побараа повеќе информации од Минск.

– Кон средината на денот мерните станици беа исклучени од мрежата, изјави Јулиус Жилиукас од литванскиот Радиолошки безбедносен центар.

Тој додаде дека немаат информации за што се работи, а мерните станици биле повторно вклучени и покажуваат нормално ниво на радијација.

Белорусија демантира дека се случил инцидент и тврди дека зрачењето е во нормални граници.

Белоруските медуми на 7 март објавија за дефект на разладниот систем во нуклеарната електрана „Аставец“, што се наоѓа на околу 50 километри од Вилнус.

Од пуштање во работа на првиот реактор на нуклеарната централа „Аставец“ во ноември минатата година се случија уште неколку инциденти. Но, белоруските власти во сите случаи или демантираа или признаваа дека нешто непланирано се случило откако невладини организации и активисти јавно објавиле информации.

Литванија тврди дека нуклеарната електрана финансирана од Кремљ, а изградена од руската државна нуклеарна корпорација Росатом, не е безбедна и оти е изградена кршејќи ги меѓународните безбедносни стандарди. Белорусија ги негира таквите наводи.

Поврзани вести

СИПА упадна во просториите на Централната изборна комисија на БиХ

Илинка Иљоска

Тегелтија: На БиХ и требаат добри вести од Брисел, а тоа е кандидатски статус

Илинка Иљоска

Словенците предвидуваат дека до јуни ќе ја зауздаат короната: „800.000 луѓе се веќе заштитени“

Слободен печат

Мехмети: Предлог законот за дивоградби е политички договор меѓу Заев и Мицкоски

Слободен печат

Мицкоски: Се сомневам дека ќе добиеме датум за преговори

Слободен печат

Брнабиќ: Од дијалогот Белград – Приштина зависи стабилноста на целиот регион

Слободен печат

Остави Коментар