Заедно сме направиле многу работи и партнерството со СДСМ треба да продолжи“, рече во дебатниот магазин „Click Plus“ на ТВ 21, лидерот на ДУИ, Али Ахмети.

Запрашан Ахмети за последните релации со партијата која доби најголем број на мандати, како и превирањата за време на предизборната и изборна кампања, тој вели СДСМ и ДУИ направиле доста работи заедно за тригодишниот мандат колку што траеше последнот владин состав.

Тој потенцира дека нема несогласувања во ДУИ, и оти сите избрани пратеници во Собранието ќе гласаат за новиот состав на Влада.

-ДУИ ќе даде зелено светло за новиот состав на Влада. Нема несогласувања во ДУИ, сите избрани пратеници во Собранието ќе гласаат за новиот состав на Влада, рече Ахмети.

Ахмети вечерва во „Click Plus“ зборуваше и за изјавите на Зоран Заев кои беа дадени во време на кампањата како и гласот кој наводно е на Заев кој се слушаше во т.н бомби објавени исто така во време на изборната кампања.

-Зоран Заев се извини за тоа што ги нарече Албанците дека не вредат 5 пари- рече Ахмети.