Аријан Адеми би можел да го напушти Динамо Загреб во зимскиот преоден рок, а најновата понуда која пристигнува на негова адреса е од Саудиска Арабија.

Хрватските медиуми пренесуваат дека Адеми добил богата понуда, но не се открива името на клубот. Пред само неколку дена Адеми се поврзуваше и со Валенсија како голема желба на Џенаро Гатузо. Наводно Гатузо инсистирал на искусен играч за врска, а Адеми и тоа како се вклопувал во неговите критериуми.

Адеми во минатото на неколку пати имаше можност да го напушти Динамо, но на крајот одлучуваше да остане. Со текот на годините Адеми прерарсна во вистинска легенда на „модрите“ и е еден од милениците на навивачите. Останува да се види сега колку е сериозна оваа понуда од Саудиска Арабија каде што веќе настапува Дарко Велковски во тимот на Ал-Итифак.