АБА лигата денес ја соопшти казната за Матијас Лесор кој тргна да се тепа со Филип Петрушев во дербито против Црвена Звезда.

Лесор ќе мора да плати 10.000 евра затоа што го удри кошаркарот на Црвена Звезда, а исто така ќе биде суспендиран за следните три натпревари. До крајот на АБА лигата има уште пет кола, а Французинот ќе ги пропушти дуелите со Цедевите Олимпија, ФМП и Игокеа.

Црвена Звезда за овој случај поднесе и кривична пријава, меѓутоа обвинителството истата ја отрфли.

„Јавното обвинителство во Белград ја отрфрла кривичната пријава на КК Црвена звезда против кошаркарот на КК Партизан, Матијас Лесор за кривично дело насилничко однесување на спортски настан или јавен собир, бидејќи пријавеното дело не е кривично дело по кое може да се отвори постапка по службена должност.

Кривичната пријава е отфрлена, имајќи го предвид повеќегодишното работење на јавното обвинителство, а особено ставот на Апелациониот суд во Белград, кој уште во 2011 година презеде дека „учесници на спортски натпревари и манифестации, значи лица кои според статутот на спортската федерација, имаат статус на задолжителни и дозволени учесници на спортски натпревари или мафифестации, не можат да бидат сторители на ова кривично дело“, стои во соопштението.