Гонџа Агнес Бојаџиу е родена на 26 август 1910 година во Скопје, на тогашната улица „Поп Кочина” број 14, која што се наоѓала на сегашниот плоштад Македонија. Позната е како Мајка Тереза, име кое се поврзува со добрина, хуманост и пожртвуваност. Нејзините дела и зборови останаа забележани во историјата.

Мудрите мисли и зборови на оваа извонредна жена меѓу нас и денес се присутни, а носат длабоки пораки кои промовираат љубов и несебичност. Нејзините пораки за мир поттикнуваат размислувања да станеме подобри луѓе.

Издвоивме некои од нејзините најубави цитати кои денес важат повеќе од било-кога.

– Ако не можеш да нараниш стотина луѓе, нарани само еден човек.

– Оние кои ги осудуваат луѓето, немаат време да ги сакаат.

– Некои луѓе влегуваат во твојот живот како благослов, а некои како лекција.

– Не сме сите создадени да правиме големи работи. Но, затоа можеме да правиме мали работи со многу љубов.

– Осаменоста и чувството дека не си сакан е најголема сиромаштија.

– Не е важно колку работиш, туку е важно колку љубов внесуваш во тоа што го работиш.

– За да го вратиме мирот не ни треба оружје и бомби. Ни треба љубов и сочувство.

– Мирот започнува со насмевка.

– Дочекувајте се едни со други со насмевка, зашто насмевката е почеток на љубовта.

– Пронајдов парадокс. Ако некого сакаш до болка, тоа значи дека болката веќе ќе ја нема, туку само многу љубов.

– Мирот не постои. Тоа е затоа што заборавивме дека припаѓаме едни на други.

– Што може да направиш за да го промовираш мирот во светот? Оди дома и сакај го своето семејство.

– Најди време за игра, тоа е тајната на вечната младост.

– Секој кој ќе ти се приближи, нека си замине од тебе подобар и посреќен.

– Повеќе има глад во светот за љубов и почитување, отколку за леб.