Звезда во офанзива на Миротиќ, му го понудила најголемиот договор во историјата на српската кошарка
Сагата која изгледаше како да нема крај е блиску до својот епилог. Никола Миротиќ е желба на повеќе евролигашки клубови, но не може секоја екипа да си дозволи во екипата да има кошаркар од таков калибар.
Откако стана јасно дека дефинитивно заминува од Барселона, прв во редот застана Милано, потоа Монако, па Олимпијакос…Се споменуваше Партизан, но како што пренесуваат грчките медиуми денес најблиску до потписот на Миротиќ е Црвена Звезда.
„Црвена Звезда води во трката за Миротиќ, понуден му е договор вреден три милиони евра“, објави грчкиот портал „SDNA“.
Ако информациите на грчкиот медиум се точни, тогаш Миротиќ би го добил најголемиот договор во историјата на српската кошарка. Ќе потсетиме, Миротиќ заминува од Барселона затоа што шпанскиот клуб поради финаниските проблеми не можеше да му го исполни големиот договор.
