19 C
Скопје

ЗНМ: Уште една срамна пресуда за новинарите за настаните од „27ми април“

Основниот граѓански суд во Скопје, денеска ја одби тужбата за спреченост на правото на информирање на граѓаните, како и за нематеријална штета за претрпен страв и душевна болка на Горан Трпеновски кој за време на инцидентите од Собранието на 27 април 2017 година, како новинар известуваше за онлајн медиумот САКАМДАКАЖАМ.МК (sdk.mk), информира Здружението на новинарите на Македонија (ЗНМ).

Во пресудата, судијата Јованка Спировска Панева, образложува дека во тоа време Трпеновски не бил новинар бидејќи работел во онлајн медиумот САКАМДАКАЖАМ.МК кој пак според Закон за медиуми, според судија Панева не се смета за медиум. Освен ова, додаваат од ЗНМ, дополнително судот во оваа пресуда не го признава правото на информирање како уставна категорија, оценувајќи дека во тоа време колегата Трпеновски бил спречен да ја информира македонската јавноста за случувањата во Собранието, а следствено на тоа нема право на штета.

– Оваа судска пресуда е проблематична од неколку аспекти, прво дека не е во согласност со праксата на Европскиот суд за човекови права за кој е неспорно дека онлајн медиумите се медиуми, а новинарите кои што работат во овие медиуми се новинари а нашите судови имаат обврска да ја следат праксата на ЕСЧП, нагласуваат од ЗНМ.

Второ, посочуваат, судот со пресуда не го почитува заклучокот на четирите апелациони судови во Република Северна Македонија со кој онлајн медиумите кои како странки се јавуваат пред првостепените граѓански судови кои при одлучување во постапки за навреда и клевета, мора да имаат ист третман како и традиционалните медиуми од мај 2019 година. Овој заклучок на четирите апелациони судови, велат од ЗНМ, треба да биде поука дека и во сите други постапки каде новинарите од онлајн медиумите бараат правда пред судовите не смеат да бидат одбиени со објаснување дека не се новинари.

– Ваквите судски пресуди ја загрозуваат слободата на говорот и ја дискредитира новинарската професија како и улогата на медиумите во едно демократско општество за што ЗНМ во наредните денови ќе ги запознае и меѓународните организации кои ја следат слободата на изразување во нашата земја, се вели во соопштението.

Граѓанскиот суд пресуди: Новинарот на СДК требало да биде убиен или ранет на 27 април 2017 за да добие отштета

 

Поврзани вести

Шахпаска: Во новиот закон за работни односи ќе биде вклучена и формализација на неформалната работа

Слободен печат

„Лидл“ ќе вложи 500 000 евра во Македонија

Слободен печат

Бремена жена од Македонски Брод се породила во амбулантно возило

Слободен печат

Лекарите му дале само три дена боледување на ковид пациент зависен од кислород со сатурација 80!

Владата ќе го прошири кабинетот на генералниот секретар Зеќири бидејќи канцеларијата на Рашковски ја зел Груби

Слободен печат

Грујовска: Од почит кон Ромите го тргнавме зборот „циган“, другите зборови нема да ги тргнеме

Остави Коментар