Зизу пред ждрепката за ЛШ: Доколку играме против нив, ќе ги „елиминираме“!
Веќе се познати двата шешири, носителите и неносителите пред ждрепката за извлекување на осминафиналните двојки која што ќе се одржи в понеделник (16. декември) со почеток од 12.00 часот во Нион.
Носители, 1. шешир: Барселона, Баерн Минхен, Јувентус, Лајпциг, Ливерпул, Манчестер сити, ПСЖ, Валенсија.
Неносители, 2. шешир: Аталанта, Атлетико Мадрид, Борусија Дортмунд, Челзи, Лион, Наполи, Реал Мадрид, Тотенхем.
Сите учесници во нокаут фазата доаѓаат од Топ 5 европските лиги, од Шпанија и Англија по четири екипи, по три од Германија и Италија, и две од Франција.
Првите натпревари од осминафиналето ќе се играат на 18/19/25/26 февруари, а реванш средбите на 10/11/17/18 март 2020 година.
Тренерот на Реал, Зинедин Зидан доби прашање од медиумите, дали се надева дека неговиот тим ќе го избегне Ливерпул, актуелниот бранител на европската титула, тој одговори:
– Доколку играме против нив, ќе ги елиминираме – рече францускиот стратег кој потоа во посериозен тој додаде дека не можат да влијаат на ждрепката.