Зидан: Гласини за враќање на Роналдо во Реал? Сè е можно!
Тренерот на Реал Мадрид, Зинедин Зидан потврди дека Еден Азар повторно е повреден и дека нема да игра против Аталанта на реваншот од осминафиналето во Лигата на шампионите.
Азар не тренираше во понеделникот, па новинарите прашаа што се случува со белгискиот фудбалер сега.
– Азар не е подготвен, тој нема да игра против Аталанта. Не можам да објаснам за што станува збор. Има мала повреда, се надевам дека наскоро повторно ќе биде со нас. Ги замолувам навивачите да бидат трпеливи, сите знаеме каков играч е Еден – рече Зидан.
Parte médico de Hazard.#RealMadrid
— Real Madrid C.F. (@realmadrid) March 15, 2021
„Кралскиот“ клуб тогаш потврди дека станува збор за повреда на мускулите на десната нога и дека не е познато кога тој би можел повторно да биде на теренот.
Францускиот стручњак воедно беше запрашан дали постои можност Кристијано Роналдо да се врати на „Сантијаго Бернабеу“.
– Гласини за враќање на Роналдо? Сè е можно! Го знаеме Кристијано. Но, тој сега е играч на Јувентус, мора да го почитуваме тоа. Ќе видиме што ќе се случи во иднина – вели Зидан.
Zinedine Zidane to Sky Sport: “Rumours about Ronaldo's return to Real Madrid are true? Yes, it could be… we know Cristiano but he's a Juve player now, and we have to honour this, he’s playing for another club. Now let us see what the future will be”. ⚪️ #Real #CR7
— Fabrizio Romano (@FabrizioRomano) March 15, 2021
На крајот, Зидан зборуваше и за реванш дуелот со Аталанта. Неговиот тим победи со 1:0 на првиот натпревар.
– Мораме да започнеме од почеток, како да не сме направиле ништо. Ќе биде тежок натпревар, мора да бидеме максимално концентрирани. Како да е финале. За да одиме понатаму, мора да играме фантастично. Тие сигурно доаѓаат со желба да победат – се зборовите на Зизу.
Дуелот во Мадрид е на програмата во вторник од 21.00 часот.