Реал Мадрид денеска идентично како и во претходното коло успеа да победи со минимален резултат и тоа со гол од пенал. Но, денешната средба против Атлетик Билбао помина во знакот на контроверзните одлуки на судијата и на ВАР технологијата.

Во 73. минута бекот на Реал Мадрид, Марсело беше нагазен од противничкиот играч по што беше досуден пенал кој го реализира Серхио Рамос.
Но, подоцна се случи идентична ситуација во шеснаесетникот на Реал Мадрид кога Рамос го напази противникот, но судијата и ВАР собата останаа неми.

– Уморен сум од приказните дека победуваме благодарение на судиите, Реал Мадрид заслужува респект. Никој нема да не оттргне од нашата цел, ова беше важна победа. Го направивме тоа што моравме да го направиме но додека и теоретски не ја обезбедиме титулата нема да има опуштање – изјави Зидан.