Во текот на вчерашниот ден полицијата регистрираше три физички напади извршени од жени од страна на женски лица.

Вчера во 10:55 часот во Полициската станица во Драчево, В.П.(55) од Скопје пријавила дека околу 10:25 часот во поликлиника на подрачје на Драчево, додека била на своето работно место, била физички нападната од женско лице М.А.(27) од Скопје.

Во петокот во 13 часот во ОВР Кавадарци Н.К.(26) од Кавадарци пријавила дека на 1 октомври околу 01:00 часот во Кавадарци била физички нападната од Н.И. од Кавадарци.

Последниот инцидент е пријавен во 18 часот  во ОВР-Прилеп од страна на С.М.(27) од Прилеп. Имено таа пријавила дека околу 14.30 часот додека била на своето работно место како обезбедување во банка во Прилеп, била физички нападната од едно женско лице.

Полицијата презема мерки за расчистување на трите случаи.