Откако Даниеле Ругани беше позитивен на коронавирусот, а по него позитивни беа и Блез Матуиди и Пауло Дибала, управата на „старата дама“ одлучи целата екипа да ја прати во самоизолација.

Денеска изолацијата за фудбалерите заврши, потврди еден од најискусните во тимот, Леонардо Бонучи, кој исто така откри како фудбалерите се подготвуваа додека додека беа во карантин.

– Добро сум, но изминатите денови беше навистина тешко. Самоизолацијата заврши денеска, а јас имав среќа и немам никакви симптоми. Секое утро добиваме порака со вежби кои треба да ги правиме. Моите тренинзи траат околу три часа и тоа секое попладне – вели Бонучи.