Скандалот што изби откако на Папата Франциск му се „допаднале“ фотографии на Инстаграм профилот на 27-годишната манекенка Наталија Гарибото ја изненади јавноста.

Секој корисник на социјална мрежа може случајно да „лајкне“ нечија фотографија, но никој не очекуваше дека ќе го забележи името на поглаварот на Католичката црква под објава на бразилска манекенка што позира во долна облека.

Наталија Гарибото е модел на социјалната мрежа Инстаграм.

Таа има над 2 милиони следбеници и своја официјална веб-страница, каде што изјавува дека можете да најдете необјавена содржина, пристап до нејзини видеа и многу повеќе.

Будните очи на „Barstool Sports“ споделија видео на социјалната мрежа Твитер на кое се гледа  објава на Наталија Гаработо на нејзиниот инстаграм-профил а под фотографијата стои дека моделот добил „лајк“ од официјалниот Инстаграм профил на папата Франциск.

Pope Francis is horny as hell pic.twitter.com/znGdgyJWLv

— Barstool Sports (@barstoolsports) November 13, 2020

Папата има 7,2 милиони следбеници на својот Инстаграм профил, под корисничкото име „@franciscus“. Па затоа беше речиси невозможно некој од верниците да не го забележи официјалното име на профилот на папата на Инстаграм меѓу оние на кои им се допаднале фотографиите на бразилската манекенка.

Уживајќи ја оваа ненадејна планетарна популарност, Наталија се пошегува: „Барем ќе одам во рајот“.

Како и да е, многу мали се шансите дека Папата управува со својот Инстаграм профил, што значи дека најверојатно станува збор за несреќен случај. Ватикан најверојатно ќе го промени актуелниот менаџер за социјални мрежи, по скандалот со лајкот на објавата од бразилската манекенка.