Сношти во Америка, каде што живееше долги години, почина познатиот македонски актер Димче Мешковски, на 77-годишна возраст.

Тажната вест за смртта на Мешковски за „Слободен печат“ ја потврди водителката Сања Савевска, која е долгогодишна блиска пријателка на семејството Мешковски.

– Чичко Димче починал мирно во својата фотеља додека бил заедно со својата сопруга. Си заминал мирно како што отсекогаш сакал и негова желба била да не го носат веќе по лекари. Сега се слушнав со неговата ќерка Наташа која до пред три недели беше во Америка кај своите родители и кај сестра си. Во повеќе наврати сум рекла дека тој ми беше како втор татко, како дете одев на часови по глума кај него и останавме пријатели до самиот крај – изјави Сања за „Слободен печат“.