Почетокот на денешната прес-конференција на рускиот министер за надворешни работи Сергеј Лавров, неговата портпаролка го одбележа со кус коментар за медиумите, со примероци од „Слободен печат“ и „Нова Македонија“ пред неа.

„Што е лажно? Практична анализа.

Првиот македонски весник објавува фотографија која е направена ПРЕД состанокот на министрите за надворешни работи на ОБСЕ. Не е официјално, бидејќи средбата беше отворена дури следниот ден. Но, весникот немаше храброст да зборува за ова и да зборува за бескрупулозноста на американските манипулации, чија пропагандна цел беше да демонстрира антируски жар.

Но, весникот имаше храброст да објави наслов дека „Сите се против Лавров“.

Вториот македонски весник објави не исценирана фотографија, туку рамка од самото отворање на Министерскиот совет на ОБСЕ. Истиот Министерски совет на ОБСЕ од кој челниците на НАТО буквално избегаа, а Сергеј Лавров темелно ги надмина“, напиша Захарова на Телеграм.

Таа уште напиша дека речиси 1,5 час траеше прес-конференцијата на Сергеј Лавров во Скопје, но „западните медиуми веќе не се заинтересирани за Украина, дури ни во форма на антируски провокации“.

„Темата беше исклучена. Но, нема да го оставиме Зеленски. На одмор“, додаде таа.