Захариевски уште една година на клупата на Струга Трим Лум

Фото: facebook.com/Fcstruga

Срѓан Захариевски ја продолжи соработката со прволигашкиот клуб и уште една година ќе ја води функцијата тренер.

Предводени од поранешниот македонски репрезентативец Струга Трим Лум стигна до историски успех освојувајќи го третото место во Првата лига и така обезбедувајќи настап на европската сцена.

Захариевски дојде во клубот на 12 март минатата година, а претходно ги водеше уште Металург и Пелистер.

Најавите велат дека стружани ќе бидат дел од новоформираната УЕФА Конференциска лига стартувајќи од првото квалификациско коло со надежи за достојно претставување.

Последен пат во шампионатот загубија на 20 март, а оттогаш во првенството до крајот на оваа сезона шестпати триумфираа и двапати одиграа нерешено.

Видео на денот