9 C
Скопје

Заев за Радев: Ние сме сојузници во НАТО, недозволиво е мешање во внатрешните работи

Бугарскиот претседател Румен Радев на средба со шефови на специјалните служби побарал да се преземат мерки за да за заштитат Бугарите во Северна Македонија

Премиерот Зоран Заев порача дека државата секогаш знаела да даде одговор на какви било загрижености и не ни треба испраќање какви било разузнавачки служби.

Ваквиот негов коментар доаѓа откако вчера од Бугарија стигна информација дека бугарскиот претседател Румен Радев на средба со шефови на специјалните служби побарал да се преземат мерки за да за заштитат Бугарите во Северна Македонија.

„Испраќам силна порака до соседна Бугарија. Гледам дека претседателот Радев свикал состанок, да бидеме внимателни затоа што секогаш сме знаеле да дадеме одговор за која било нивна загриженост, како што и тие знаеле да дадат одговор за наша загриженост. Да не потпаѓаме под какви било инсинуации или неточни информации, секој пат можеме да ги провериме. Ние сме земји членки на НАТО, ние сме сојузници, не ни треба испраќање на не знам какви разузнавачки служби да ги утврдат правата на граѓаните. Таман работа, правата на граѓаните се светост во нашата земја, верувам така е и во Бугарија и во цела Европа“, изјави Заев.

Прочитајте и...  ЕК по аферата „Мафија“: Неисполнување на критериумите може да доведе до укинување на безвизниот режим

Тој, исто така, потсети и дека со Договорот за пријателство и добрососедство двете земји се декларирале за немешање во внатрешните работи на другата земја, но и оти се оди и понатаму – да нема мешање во прашањата за малцинствата.

„Се надевам состанокот на Радев е информативен, на кој сакаат да соберат информации од граѓани кои се со бугарска определба и ќе соберат информации ако некаде некои права не се признаени и не се почитувани затоа што, прво, недозволиво е мешање во туѓа земја, ние тоа сме го декларирале во Договорот за пријателство. И не само тоа, во разговорите одиме и понатаму, немешање во малцинствата затоа што тоа се решава при Советот на Европа, преку судот, и тука се решаваат сите тие права. Но, дефинитивно ниту има потреба ниту треба да дојде до судови или слично затоа што кој било граѓанин ако му е ускратено некое право или во најмала рака не се еднакви нивните права со останатите, како институции стоиме на располагање“, изјави премиерот.

Прочитајте и...  Стефанова побарала да му се продолжи притворот на Камчев за нови 30 дена

Заев ги отфрли и информациите дека има напад кон македонските Бугари во однос на нивното изјаснување на претстојниот попис. Како што рече, иако во Уставот немаме етничка припадност Бугари, во пописот правото на определба за етничката припадност е отворено и прашањето ќе гласи „На која етничка заедница ѝ припаѓате?“, па секој ќе може слободно да се изјасни.

Поврзани вести

Зариф во писмо до Гутереш: Инцидентот во Натанц е нуклеарен тероризам

Слободен печат

Постојат индикации дека во Србија пристигнал бразилскиот вирус: Многу млади се на респиратори

Слободен печат

ВИДЕО | Разговор со Ивана Драгшиќ за книга која дава предлози за подобра иднина и за култура на солидарност

Александра Бубевска

ВИДЕО | Најголем дел од апликантите на повикот на ФИТР се компании кои првпат конкурираат, разговор со Тања Илијевска

Слободен печат

Прва жена шеф на најстарата светска агенција: Галони нова главна и одговорна уредничка на Ројтерс

Слободен печат

Славчо најавува облачно време со дожд и грмежи

Слободен печат

Остави Коментар