Заев и Рама и Вучиќ на трилатерална средба ги договорија приоритетите

Претседателот на Владата  Зоран Заев, заедно со Претседателот на Република Србија Александар Вучиќ и со премиерот на Република Албанија Еди Рама, во пресрет на состанокот на лидерите од Западен Балкан што ќе се одржи утре, во недела на 10 ноември, одржаа трилатерална средба на која разговараа и ја утврдија декларацијата со листа на приоритети и мерки за подобрување на регионалната соработка.

„Оваа декларација со листа на приоритети и мерки доаѓа по претходната нивна заедничка средба во Нови Сад. Во основата на декларацијата е соработката, заедничкиот ангажман и елиминирање на сите препреки за слободно движење на луѓе, добра, услуги и капитал, како придонес за граѓаните од сите земји од регионот во остварувањето на заедничка крајна цел – полноправно членство во ЕУ. Од определбата за поинтензивна соработка врз основа на заеднички усвоена декларација се очекува на граничните премини, покрај заедничките царински контроли да има заедничка соработка на фитосанитарните контроли, како и слободно движење на граѓаните во трите земји само со лични карти“, се вели во соопштението.

Прочитајте и...  Град Скопје ги намали износите за фирмарина за 2020 година

Декларацијата ги најавува можностите на отворен пазар и пристап за бизнис иницијативи во целиот регион без разлика на местото на основање на компаниите, создавање нови работни места и поттикнување на потенцијалите за севкупен развој. Оваа иницијатива отвора големи можности за младите од поврзувањето по угледот на европскиот модел за имплементирање на стандардите на ЕУ со цел економски напредок на земјите од Западен Балкан и целокупната демократска трансформација.

Вечерва на премиерите Заев и Рама и Претседателот Вучиќ ќе им се придружат и Претседавачот на Советот на министри на Босна и Херцеговина Денис Звиздиќ и министерката за економија за Црна Гора Драгица Секулиќ, на вечера што ја приредува Претседателот на Владата на Република Северна Македонија Зоран Заев, а утре ќе започне работниот дел од состанокот на лидерите на Западен Балкан.

Прочитајте и...  ОН: Талибанците во Авганистан и натаму се во близок контакт со Ал Каеда

Во програмата на утрешниот состанок е предвидена и пленарна сесија на лидерите на земјите од Западен Балкан со претставници на Европската Унија, на Советот за регионална соработка, на Светската Банка, на Европската банка за обнова и развој, на Европската инвестициска банка, по што ќе се одржи и заедничка прес конференција.

Прочитај повеќе

Г7 со билатерални договори ќе ги олеснуваат долговите на најсиромашните земји

Слободен печат

Белата куќа забрани кинески патнички авиони да летаат до САД

Слободен печат

Османи му го честита на Хоти изборот за нов премиер на Косово

Слободен печат

Трудо запрашан за протестите во САД остана без зборови (ВИДЕО)

Слободен печат

Две лица вработени во детска градинка во Пробиштип позитивни на коронавирусот

Слободен печат

Трамп: Јас сум најдобар за црнечкото население од Линколн

Слободен печат

1 comment

Слободан 11/11/2019 - 16:15 at 16:15

Идеата е многу добра, но сепак ќе треба да почекаме времето да ги покаже придобивките од овие договарања. За граѓаните од трите држави ова на некој начин ќе биде освежување бидејќи границите ќе бидат отворени. Добро би било ако се придружат БИХ и Црна Гора и сите оние кои веруваат во оваа добра идеа., без разлика што за сето ова ги има и оние скептици… Само напред, ако веруваат во оваа идеја, таа ќе успее и на некој начин Балканот полека се отвора кон себе си.

Reply

Остави Коментар

Прочитај повеќе

ИАТА: Пораст на патничкиот авиосообраќај во мај од 30 отсто

Слободен печат

Кастанер ветува казна за „секоја грешка” или расистички збор во француската полиција

МИА Агенција

Јанева пред ревизорите се соблекла по долна облека, дадена и е инекција за смирување

Слободен печат

Османи: Владата на Хоти не ја претставува волјата на граѓаните на Косово

МИА Агенција

Слободен печат на Инфективна клиника: Коронавирусот постои и никој не е имун на него (ФОТО+ВИДЕО)

Мими Шушлеска Петкова

Општина Карпош: Граѓаните да бидат спокојни, завршено е времето кога ДУП – овите се носеа на сила

Слободен печат