Заев и Касами испишуваат историја

Доста е веќе со националистичките пароли пред секои избори, доста е веќе со манипулирање со чувствата на граѓаните, време е да се стави крај на реториката од 1991 година па наваму.

Денешниот ден, 27 февруари 2020 година ќе биде запаметен како уште еден историски ден за нашата држава. Уште еден чекор напред кон нормалноста, разбиено е уште едно табу, предрасудите надминати, стереотипите прегазени. За првпат во историјата, партии од македонскиот и албанскиот политички блок склучуваат договор за предизборна коалиција. Конечно се става крај на етничкиот концепт на функционирање на политичките партии во оваа земја, по 29 години. Партиите препознаа дека правата на граѓаните не треба да се базираат на бројки, сите граѓани на оваа земја се еднакви и треба да ги уживаат истите права и да ги имаат истите обврски, без разлика на кој етникум припаѓаат.

Честитки за СДСМ и движењето БЕСА, честитки за нивните лидери, раководни структури, членови. Покажаа храброст, визија, покажаа детерминираност дека државата мора да се движи кон една единствена насока, а тоа е градење едно општество за сите. Ниеден народ не може да се спаси сам одвојувајќи се од другите, или се спасуваме заедно, или заедно пропаѓаме (Рабиндранат Тагоре). После овој момент, за нас нема надолу, нема пропаѓање, одиме напред и само напред, сите заедно како едно. Во НАТО се интегриравме, Европската Унија ни е пред порти, вака сплотени ништо не може да биде препрека.

Прочитајте и...  Светот каков што го познаваме ќе исчезне поради пандемијата: Експертите предупредуваат дека не чека историска рецесија

Извинете што сум преемотивен и еуфоричен, но искрено така се чувствувам, а како и не би. Пораснав во поделби, во војни, во конфликти, во општество полно со омраза, систем полн со дискриминација. Свесен сум дека повеќето аналитичари, посебно оние опозиционо настроените настанот ќе го искоментираат само како изборна математика и нема да му го дадат потребното значење. Но за мене е повеќе од тоа, за мене е пресвртен момент во историјата на оваа земја. Мачнина ми е веќе од изборни кампањи каде македонските политички партии ги плашат своите гласачи со Албанците, како тие ќе им земат се. Мачнина ми е и преку глава ми е секоја кампања на албанските политички партии да почнува со обвинување кон Македонците за дискриминација и за сето лошо што ним им се случува. Доста е веќе со националистичките пароли пред секои избори, доста е веќе со манипулирање со чувствата на граѓаните, време е да се стави крај на реториката од 1991 година па наваму. Сакам да видам политичка кампања која ќе се обрати на граѓаните како на луѓе, не како на бројка, не како на Албанец, Македонец, Турчин, Србин, Бошњак, Ром, Влав, туку како на човек. Затоа што сите сме граѓани на оваа земја, сите го сакаме истото, сите сакаме подобра иднина за нас, нашите деца и државата воопшто.

Прочитајте и...  Капитализмот и коронавирусот: гроб од ведро небо!

Денешниов ден за мене претставува конечен удар на национал шовинизмот. Едно ми е криво само, што дури и јас морав да ги наречам лидерите на овие партии храбри за нивната визија и одлука. Ова не е ништо посебно во суштина, ова треба да е нормално. Но не кај нас за жал, барем не до овој момент. Во денешно време во нашата средина треба да си храбар за да бидеш нормален.

Никогаш повеќе поделена, секогаш сплотена!

 

 

Прочитај повеќе

Руската помош за Италија не е квалитетна?

ПРЕПОРАКИ ОД ИЗОЛАЦИЈА со Ели Танасковска, уредничка и водителка во МТВ

Јасмина Кантарџиева Димков

Во овој град во Шпанија нема ниту еден заболен од коронавирус

Слободен печат

Еден живот промени

Жанета Скерлев

Капитализмот и коронавирусот: гроб од ведро небо!

Мирослав Грчев

Жена (61) опиша нетипични симптоми кои ѝ ги предизвикала инфекцијата од коронавирусот

Слободен печат

Остави Коментар

Прочитај повеќе

Научниците се вчудовидени: Пандемијата не го забави само животот на земјата, го забави движењето и на самата планета!

Слободен печат

Австралиски научници почнаа да тестираат вакцина за коронавирус, од дозите даваат на творови

Слободен печат

Светот каков што го познаваме ќе исчезне поради пандемијата: Експертите предупредуваат дека не чека историска рецесија

Слободен печат

Британски експерт открива дали треба да носиме заштитна маска кога сме надвор

Слободен печат

Ексклузивно интервју со првата дама, Елизабета Ѓоргиевска: Прегратката во овој миг може да се замени со топол збор

Кристина Апостолова

МОН: Далечинското учење е задолжително, учебната година ќе се реализира до крај