Голема победа за осминафинале на Македонците на СП! – Слободен печат
РакометСпорт

Голема победа за осминафинале на Македонците на СП!

Со овој триумф, втор по ред после оној против селекцијата на Нигерија, практично се обезбеди пласманот во осминафиналето на Мундијалот.

Денеска на СП продолжија возбудувањата со дуелите од третото коло и полека се откриваат имињата кои претендираат за настап во елиминациските борби.

Во рамките од третото коло во групата Ц од Светското кадетско првенство што се одржува во нашата земја, кадетската репрезентацијата на Македонија славеше во СЦ „Борис Трајковски“ со 27:25 (12:9).

Најефикасен беше Серафимов кој запиша 10 голови, три помалку Костески.

После три кола на СП со максимални шест бодови води Данска, пред Македонија и Јапонија кои имаат по четири, следуваат Бахреин и Аргентина по два, а без бодови е репрезентацијата на Нигерија.

Во наредното четврто коло нашите ракометни надежи в недела од 20.30 часот ќе ги одмери силите против Данска, а еден ден подоцна во истиот термин ривал во последната петта рунда од групната фаза е Јапонија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close