„Ворлд Сокер“: Елмас меѓу 25 фудбалски ѕвезди кои треба да се следат на ЕП!
Не се сомневаме дека и на Европското првенство ќе блесна една од нашите најголеми надежи, Елиф Елмас, членот на македонската А репрезентација.
На нешто повеќе од еден месец ќе започне континенталниот собир, а сениорите предводени од селекторот Игор Ангеловски ќе бидат дебитанти на вакво големо натпреварување.
Потсетување дека популарните „рисови“ се наоѓаат во групата со Австрија, Украина и Холандија, првите два меча ќе ги имаме во Букурешт, а третиот во Амстердам.
Познатиот фудбалски магазин „Ворлд Сокер“ одвои 25 ѕвезди на кои треба особено да се обрне внимание во текот на ЕП.
🌎 #WorldSoccer Ones To Watch: @EURO2020 – Nick Bidwell casts his eyes over the players to watch out for at this summer's delayed European Championships: https://t.co/cDLDtthEnd #EURO2020 pic.twitter.com/SBJV8JBnkl
— World Soccer (@WorldSoccerMag) April 30, 2021
Помеѓу нив е и нашиот Елмас, играчот на Наполи, за кого споменатиот извор вели дека покрај глатка техника, позицијата на 21-годишниот фудбалер во европскиот фудбал се должи благодарение на неговата голема разноврсност и неговиот капацитет да одигра на кој било дел од теренот и во која било улога: како „лажна деветка“, плејмејкер, ефективен од шеснаесетник до шеснаесетник, или на левата страна од средниот ред. Воедно со неговите дриблинг способности може да им направи многу проблеми на ривалите.
Покрај Елмас, „Ворлд Сокер“ ги одвојува и следните фудбалери кои треба да се гледаат на Европското првенство: Едуардо Камавинга (Франција), Мерих Демирал (Турција), Дује Чалета-Цар (Хрватска), Нико Елведи (Швајцарија), Патрис Хрошовски (Словачка), Мемфис Депај (Холандија), Глен Камара (Финска), Алекс Крал (Чешка), Матија Дестро (Италија), Александер Исак (Шведска), Алверт Самби Локонга (Белгија), Жоао Феликс (Португалија), Жоаким Маеле (Данска), Кени Меклин (Шкотска), Фил Фоден (Англија), Хосе Гаја (Шпанија), Жоао Палхиња (Португалија), Конор Робертс (Велс), Доминик Шобошлаи (Унгарија), Ксавер Шлагер (Австрија), Џери Сен Жуст (Холандија), Амин Јунес (Германија) и Никлас Зуле (Германија) и Анатолиј Трубин (Украина).
