„Воините“ во финалето на Западот (ВИДЕО)
Голден стејт вориорс втора година по ред го елиминираат Хјустон рокетс во плејофот на НБА лигата. Минатата година, со триумфот „воините“ се пласираа во големото НБА финале, а овој пат влогот беше пласман во финалето на Западната конференција.
„Воините“ до четвртиот триумф во серијата со Хјустон дојдоа до победата на гостински терен со 118:113. Во отсуство на Кевин Дурант, лидерската улога ја презеде Стеф Кари кој постигна 33 поени, сите ги даде во второто полувреме. Одлична партија имаше и Клеј Томпсон со 21 поен.
– Натпревар како овој не се случува без вербата која ја имам во своите квалитети. Знам како можам да играм на натпревари. Ова е кошарка, и јас ја играм од својата втора година – изјави Кари.
На спротивната страна, како по обичај, најдобар беше Џејмс Харден со 35 постигнати поени.
Противник на Голден стејт во финалето на Западната конференција ќе биде подобриот од одлучувачкиот седми натпревар помеѓу Денвер и Портланд.