Кујната е невообичаено место за чување лекови, а во спалната соба нема место за нив, што значи дека бањата е логичен избор за тоа, нели? Но, фармацевтите велат дека тоа е веројатно најлошото место за домашна аптека.

Лековите се изложени на висока влажност таму, што веројатно ќе предизвика да ја изгубат својата ефикасност, велат од здружението на германски фармацевти БАХ. Ова е точно дури и ако не го отворите пакетот.

Наместо тоа, повеќето лекови претпочитаат ладни и суви места, помеѓу 15 и 25 степени Целзиусови. Тие не треба да бидат изложени на високи температури или висока влажност.

Лековите кои можат да стојат во фрижидерот имаат експлицитно напишано на нив известување или фармацевтот ќе ве предупреди за тоа.

Кога живата во термометарот надминува 25 Целзиусови степени, најдобро би било да ги чувате повеќето лекови и козметика во фрижидер или просторија заштитена од директен извор на топлина, светлина и влага.

Ако лекот не е соодветно зачуван, може да се раствори, да се распаѓаат активните супстанции и да се намали ефикасноста на лекот. Во исто време, може да има промена во органолептичките својства, односно бојата, конзистентноста, мирисот и вкусот.

Антибиотиците треба да се чуваат во фрижидер во текот на летото, бидејќи, на пример, тие би ја изгубиле стабилноста и ефективноста на собна температура. Капките, вагиналните таблети, инхалаторите, инјекциите на инсулин треба да се чуваат на температура од 2 до 8 степени.

Експертите предупредуваат дека лековите не треба да се чуваат под нулата, бидејќи тие ќе замрзнат и ќе ја намалат нивната ефикасност.

Ако е во прашање крема, ќе биде сомнителна доколку има грутки. Промена на бојата и чудниот мирис треба да се сметаат за предупредувачки знаци дека нешто не е во ред со мастите и геловите исто така.

Во суштина, ако лекот изгледа различно од вообичаеното, не го користете.