Во ЦДУ се сложија: Меркел останува канцеларка до крајот на својот мандат
Раководството на Христијанско-демократската партија (ЦДУ) се сложи со тоа дека Ангела Меркел треба да остане на местото канцелар до есента 2021 година.
Тоа го изјави актуелната лидерка на партијата Анегрет Крамп-Каренбауер.
АКК (како што ја нарекуваат лидерката на ЦДУ), го констатирала фактот дека позицијата шеф на партијата и местото на канцелар во моментов се во различни раце, но вели и дека во одборот на партијата и во сојузниот одбор вчера немало луѓе кои тоа го сфаќале различно, пишува „Шпигл“, а пренесува „Ројтерс“.
– Напротив, без ислучоци, имаше очекувања дека би требало да владееме во моменталната констелација до крајот на мандатот. Со Ангела Меркел како канцеларка – рече АКК.
Таа неодамна поднесе оставка од местото лидер на ЦДУ, а новиот претседател на партијата ќе се бира на 25 април.