Српскиот патријарх Порфириј и македонскиот архиепископ г.г. Стефан ќе служат литургија на помирување на 19 мај во црквата Свети Сава во Белград, пишуваат српските медиуми.

Литургијата ќе започне во девет часот, а ќе чиноначалствуваат сите архиепископи на двете цркви. Порфириј ги повикува верниците да присуствуваат на архиерејската литургија во што поголем број.

Во Белград, според српските медиуми, по писмото, МПЦ-ОА започнала тајни средби со СПЦ, а се шпекулира дека била контактирана и Васеленската Патријаршија во Истанбул. Црковните документи за литургијата се чувале во крипта во храмот Свети Сава чии влезови се забарикадирани и покриени со подна облога, а дополнително заштитени со приватно обезбедување, објавија некои медиуми во Белград.

По одлуката на СПЦ во македонската јавност имаше критики дека МПЦ-ОА всушност се враќа многу поназад од клучното прогласување на автокефалност на МПЦ во 1967-ма година кога СПЦ го отвори спорот и ја оспори црковната независност на Македонската црква.

ВИДЕО | Д-р Мојаноски: СПЦ не може да одлучува за граѓаните и верниците на МПЦ-ОА