ВМРО-ДПМНЕ: Лажната нормалност на Заев и Спасовски блесна со нови 35 заразени и 5 починати
Власта на СДСМ не успеа да ги заштити здравјето и животот на граѓаните. Зоран Заев и неговите соработници немаат капацитет да се справат со кризата, стои во соопштението од опозициската партија ВМРО-ДПМНЕ.
-Зоран Заев и СДСМ имаат други приоритети, а нивните погрешни политики граѓаните ги плаќаат со сопствените животи. Лажната нормалност на Заев и Спасовски блесна со нови 35 заразени и 5 починати за последното деноноќие. Филипче се затрупа во лаги, а Македонија е завиена во црно. Заев турка предизборен поткуп и попусто се обидува да ја спаси својата кариера. Ситуацијата е надвор од контрола- стои во соопштението.
Додека Заев и Спасовски, туркаат избори, велат оттаму, ние имаме нова вонредна состојба, а Филипче е изгубен помеѓу изјавите дали ја победил короната или народот му е крив за неговата неспособност.
-СДСМ и владата се дрзнаа да го обвинуваат народот и граѓаните за сопствената неспособност. Во недостиг на оправдувања не знаат веќе која лага да ја повторат и што уште да измислат. Овој срам и хаосот кој го приредуваат на сметка на животот на луѓето не се пере со ништо. Визија и стратегија за борба против пандемијата немаше. Оваа влада треба да има совест за да поднесе одговорност пред граѓаните коишто ги стави во опасност со своето бескрупулозно лажење- стои во соопштението.
Колку лаги, прашуваат оттаму, треба да излезат на виделина за да власта престане да манипулира со граѓаните.