ВИДЕО | Во САД и Јапонија мраз, а Австралија погодена од топлотен бран
Јужните делови на Австралија се на врвот на овогодинешниот прв топлотен бран. Како што пренесува Гардијан, во Аделаида температурата во текот на ноќта била 27,4 степени Целзиусови, додека Викторија ја имала најжешката ноќ во последните четири години. Во денови кога други земји како САД и Јапонија се справуваат со рекордно ниски температури, овие делови на Австралија се погодени од овој топлотен бран.
Утрото во Аделаида донесе температура од 38 степени.
Издадени се предупредувања за топлотен бран за Јужна Австралија, Викторија, Тасманија, Нов Јужен Велс и изолирани делови од Западна Австралија. Температурите се очекуваат од 8 до 16 степени над просекот.
Додека на север и запад од Мелбурн и Викторија во текот на денот највисоките температури се очекуваат да бидат помеѓу 37 и 41 Целзиусови степени, се предвидува и промена на времето што ќе донесе дожд со ветер до 90 километри на час во текот на утрешниот ден.
Силниот ветер и силните грмотевици може да претставуваат опасност за локалните жители, соопштија локалните синоптичари.
Најмалку 27 загинати во снежната бура во државата Њујорк, Бајден одобри итна помош