ВИДЕО: Во делчевско село се гласало во фарма за магариња

Фарма за магариња во Нов Истевник, делчевско

Околу 90 лица евидентирани во избирачкиот список, од делчевското село Нов Истевник, денеска гласаат за избор на локална власт на невообичаено место – приватна фарма за магариња, објави Канал 5.

Објектот до 1985 година бил училиште, но бидејќи нема доволно ученици, сега е приватен објект кој за изборите се користи како гласачко место, во недостиг од други гласачки места.

Во селото Нов Истевник има околу 120 куќи, а гласањето се одвива во предниот дел од објектот. До 13 часот во ова избирачко место имало над 30 проценти излезност.

Канал 5 објави дека и во ова изборно место, гласачите се соочувале со проблеми со апаратите за отчитување на отпечатоците на прст, наводно поради тоа што мештаните се занимавале со работа со ореви и прстите им биле валкани. На ова избирачко место и порано се гласало на избори.

Видео на денот