ВИДЕО: Виулица отсече седум села во Србија, снежните наноси се високи неколку метри
Невреме со снег и силен ветер целосно отсече седум планински села во српската општина Нова Варош, а во неколку од нив нема електрична енергија, јавуваат локалните медиуми.
„Повеќето патишта во селата Бела Река, Јасеново, Куќани, Божетиќи, Трудово, Драглица и Акмачиќи по синоќешните врнежи од снег се под снежна блокада. Силниот ветер предизвика наноси високи по неколку метри. Сите машини што ги имаме се на терен, а непроодните патишта мора да ги пробиеме до крајот на денот. Утре е голема слава, Свети Никола, многу луѓе слават, дури и локалните жители се вклучија со свои машини за да се исчисти снегот“, изјави за Рина.рс градоначалникот на Нова Варош, Радосав Васиљевиќ.
Prava zima#novavaroš pic.twitter.com/aK1ynPZBqN
— Дератизација🧠 (@VasilicVladimir) December 17, 2021
Според метеоролозите, можни се нови врнежи од снег во засегнатите области во текот на викендов.