Сан Антонио избори „мајсторка“ во финалето на Западната конференција, откако убедливо славеше против Оклахома со 118-91.

Домашниот состав уште од стартот ја презеде контролата врз натпреварот и не му дозволи на противникот да се доближи резултатски. Пресудниот момент се случи во третата четвртина, кога Сан Антонио направи серија од 22-0, а кошаркарите на Оклахома цели осум минути не успеаја да постигнат ниту еден поен.

Најрасположен во победничкиот тим беше Виктор Вембањама, кој натпреварот го заврши со 28 поени, 10 скокови и три блокади.

Свој придонес во триумфот дадоа и Дилан Харпер со 18, како и Стефон Касл со 17 поени. Кај поразениот тим, најефикасен беше Шеј Гилџус-Александер со 15 поени.