Видео кое денеска беше објавено на социјалните мрежи стана популарно од најпогрешни причини – неколку момчиња, кои според снимката веројатно се уште се тинејџери, беснеат на булевар во Скопје во доцните часови.

Качени на автомобил без таблички, тие без каков било обѕир кон безбедноста и кон здравиот разум, итаат со прилично голема брзина по булеварот „Партизански Одреди“ во близина на пазарчето во населбата Ѓорче Петров.

Во време кога секој втор ден се случуваат трагедии, сообраќајни несреќи и прегазени пешаци, видео какво ова предизвикува едно прашање: Имаат ли овие деца родители?