ВИДЕО | Тотенхем со одлична игра до победа против Манчестер Јунајтед во Лондон
Aко Манчестер Јунајтед се извлече и освои три бода против Вулвс минатото коло, тоа не им успеа денес во дербито против Тотенхем.
Во рамките од второто коло во Премиер лигата Тотенхем го совлада Манчестер Јунајтед со 2:0 и така му го нанесе првиот пораз во сезоната.
Дербито во Лондон донесе интересен фудбал со шанси и на двете страни, а фудбалерите на Тотенхем успеаа да искористат две од нив. Донсоа и првите 45 минути интезивен фудбал со шанси, но мрежите мируваа. Тотенхем погоди пречка и статива.
Веднаш на стартот од вториот дел домаќините стигнаа до водство преку Сар кој во првиот дел пропушти одлична прилика. Темпото на Јунајтед падна во второто полувреме, па така не успеа да дојде до изедначувачки гол.
Точка на натпреварот беше ставен со автоголот на Лисандро Мартинез во 83. минута. За Тотенхем ова е прва победа во сезоната откако во првото коло ремизираше со Брентфорд 2:2.