ВИДЕО: Србија го совлада Порторико и обезбеди пласман во следната фаза на Мундобаскет
Кошаркарите на Србија го одиграа и вториот натпревар на Светското првенство во кој исто така триумфираа овојпат над Порторико со 94:77.
На тој начин избраниците на селекторот Светислав Пешиќ обезбедија пласман во следната фаза.
Богдан Богдановиќ беше најефикасен во победничките редови со 17 поени (по пет скокови и асистенции), исто толку имаше и Никола Јовиќ, следени од Алекса Аврамовиќ со 15.
На спротивната страна доминираше Пинеиро со 14 поени, а еден помалку запиша Хауард.
Вториот триумф на Мундобаскет го оствари и селекцијата на САД која убедливо со 109:81 ја надигра Грција.
За Американците прв стрелец беше Остин Ривс со 15 поени (пет скокови, шест асистенции), а за Грците 17 коша забележа Георгиос Папајанис.
ВИДЕО: Лука Дончиќ блескаше и во втората победа на Словенија на Мундобаскет