Јесенија Моралес Гомез трагично настрада, откако скокна од мост висок скоро педесет метри во колумбиската провинција Антиква.

Несреќната девојка погрешно го протолкувала сигналот за скок, а во исто време заборавила да се закачи на заштитното јаже. Таа отиде на банџи скокови во неделата со своето момче и планирале тој ден да скокаат заедно.

Во момент на расеаност, таа ја протолкувала поканата да скокне за неа, а не за нејзиното момче и скокнала од мостот. Нејзиното момче побрза да и помогне и да и даде вештачко дишење, но за жал, беше предоцна.

Пожарникарите кои дошле да и помогнат можеле само да констатираат смрт.

Густаво Гузман, градоначалник на општина Фредонија, за „Ел Темпо“ изјави дека девојката била збунета и дека тоа е причината за несреќата.

– Таа беше збунета. Сигналот беше за нејзиното момче, не за неа.

Го облече ременот, но не и јажето. Таа веројатно помисли дека јажето е автоматски прицврстено на ременот.

Обдукцијата покажа дека несреќната девојка имала срцев удар за време на скокот.