ВИДЕО: Шампионска партија на Милвоки

Илвоки бакс го доби дербито на Источната конференција против Филаделфија/ фото. EPA-EFE/PETER FOLEY

Милвоки бакс конечно заигра како што му доликува на актуелен шампион во новата сезона и со 118:109 ја совлада Филаделфија сиксерс.

По оваа победа, Милвоки има скор од пет победи и шест порази, додека Филаделфија има скор од 8-4.
Филаделфија на овој натпревар настапи ослабена со неиграњето на Џоел Ембид кој имаше позитивен тест на коронавирус, добро го започна натпреварот и имаше предност од 13 поени, но шампионот во третата четвртина направи пресврт и водството не го испушти до крајот.

Најдобар кај Милвоки беше Јанис Адетокумпо со 31 поен и 16 скокови. Грејсон Ален постигна 25 поени, а Боби Портид имаше дабл-дабл од 19 поени и 10 скокови.

Во редовите на Филаделфија се истакна Тајрис Мекси со 31 постигнати поен, а резервниот центар Андре Драмонд оствари дабл-дабл од 17 поени и 20 скокови.

Јута џез со 110:97 ја совлада Атланта хоукс и ја оствари осмата победа во 11. натпревар сезонава.
Со триумфот, Јута исто така ја прекина и серијата од два порази по ред поради кои ја загуби лидерската позиција на табелата во Западната конференција.


Донован Мичел со 27 поени и 18 Бојан Богдановиќ со 18 поени беа најдобри кај Јута, додека Ертер со 28 и Јанг со 27 поени беа најзабележителни во тимот на Атланта која  има скор од четири победи и осум порази.

ЛА Клиперс во натпреварот на претендите за плеј-оф со 117:109 го победи Портланд. Во отсуство на Каваи Ленард, прво име кај Клиперси беше Пол Џорџ со 24 поени и 9 скокови, додека кај Портланд се истакна Демиен Лилард со 27 поени.

Видео на денот