Британецот Лиам Броди ја направи првата сензација во машка конкуренција на Вимблдон откако денес го елиминираше Каспер Руд во меч со пет сета (6-4, 3-6, 4-6, 6-3 и 6-0) по скоро три ипол часа игра.

Британецот иако влезе како аутсајдер од почетокот му правеше проблеми на Руд и откако направи еден брејк повеќе го освои сетот со 6:4.

Руд во продолжение го подигна нивото на игра и следните два сета ги доби со 6:3 и 6:4, но кога сите очекуваа да влезе во сигурна завршница дојде до голем пад во неговата игра. Броди тоа знаеше како да го искористи и во последните два сета му дозволи вкупно само три гема.

Четвртиот за изедначување го доби со 6:3, а во последниот издоминира со 6:0. Во третото коло британскиот тенисер ќе се соочи со Денис Шаповалов.

🙌 Centre Court crowd + @LiamBroady 🙌

Enjoy these scenes… #Wimbledon pic.twitter.com/MFWndpe4Dg

— Wimbledon (@Wimbledon) July 6, 2023