Фудбалерите на Реал Мадрид го продолжуваат походот кон шампионската титула во Ла Лига откако во 31. коло славеа рутинска победа од 2:0 над Хетафе.

„Кралевите“ доминираа во текот на сите 90. минути, а до предност дојдоа во 38. минута преку Каземиро кој ја искористи асистенцијата на Винисиус Жуниор.

Победата ја завери Лукас Васкез во 68. минута, по што „кралевите“ рутински го доиграа натпреварот и се „зачуваа“ од евентуални повреди пред реваншот од четвртфиналето во ЛШ против Челси.

По новиот триумф, Реал Мадрид сега има 72 бода, 12 повеќе од второпласираната Севиља, додека Барселона има 57 бода и два натпревари помалку. Хетафе пак, се наоѓа на 14 место на табелата со 32 бода.

Vedat Muriqi’s goal is worth all three points as @RCD_Mallorca return to winning ways in #LaLigaSantander! 👹🔝❤️#RCDMallorcaAtleti pic.twitter.com/2z8RrTmAUJ

— LaLiga English (@LaLigaEN) April 9, 2022

Атлетико Мадрид доживеа минимален пораз на гостувањето кај Мајорка и си ја закомпикува ситуацијата околу освојувањето на четвртото место на табелата. Атлетико сега има 57 бода за четврто место, додека Бетис има бод помалку на петтата позиција.
Единствениот гол на натпреварот го постигна косовскиот репрезентативец Ведат Муричи во 68 минута од пенал.

Фудбалерите на Виљареал со мислите како да беа на реванш натпреварот од четвртфиналето во ЛШ против Баерн Минхен во вторник и пред своите гледачи одиграа 1:1 против Атлетик Билбао.
Гостите поведоа во 43 минута преку Гарсија, а Виљареал до бод дојде во 60 минута кога погоди Алфонсо Педраза.