Манчестер Јунајтед денес им приреди ново разочарување на своите навивачи, „црвените ѓаволи“ на свој терен беа поразени од Астон Вила со 3:1.

Кристијано Роналдо натпреварот го започна од првата минута и тоа беше капитен на својот тим, но немаше причина за радост. Од друга страна Унаи Емери кој го наследи Стивен Џерард има фантастичен почеток на клубот од „Вила Парк“. Натпреварот беше отворен уште во седмата минута кога Бејли ја погоди мрежата на Јунајтед. Се уште се немаа оправено од првиот шок, а за фудбалерите на Тен Хаг стигна нов.

Лука Дињ во 11-та минута со мајсторски гол од слободен удар зголеми на 2:0. До крајот на првиот дел Манчестер Јунајтед успеа да го намали резултатот со автоголот на асистентот при првиот гол за Астон Вила, Рамзи. Истиот играч на самиот старт на второто полувреме се поправи и донесе водство од 3:1. Тој резултат на крајот се покажа и како конечен.

За Унаи Емери ова беше прва победа во неговиот мандат на Астон Вила, но и дефинитивно најголемиот триумф за овој клуб во текот на сезоната. Во останатите натпревар Њукасл со 1:4 беше подобар од Саутемптон, а Кристал Палас на гости кај Вест Хем славеше со 1:2.