На некои фактори на долговечноста, како што се генетиката и болестите, не можеме да влијаеме, но на други можеме. Она што го јадеме и колку редовно вежбаме игра голема улога во тоа колку долго ќе живееме. Згора на тоа, се верува дека тоа се главните причини зошто жителите на таканаречените сини зони имаат најголема концентрација на стогодишници.

Тиктокерката Карли Бодруг гледала документарен филм на „Нетфликс“ за навиките на луѓето во сините зони и ја препорачува супата минестроне полна со зеленчук.

„Најдолговечните семејства ја јадат оваа супа речиси секој ден“, вели Карли.

@doctortim.md #duet with @Carleigh Bodrug – plantyou This amazing plant-based soup is full of vitamins and minerals, fiber and more. Vegetables are rich in fiber which help control blood sugar levels, lower cholesterol, improve gut health, support weight management and lower cancer risk. So many studies support these health benefits! ?‍?The “Olive Garden Minestrone Soup” can be found in her website plantyou dot com! #healthyfood #healthyrecipe#healthyrecipeegetables #plantbased #soup ♬ Home – Matthew Hall

Основа на исхраната на повеќето стогодишници е храната од растително потекло, како што се гравот, мешунките, зелениот зеленчук и житарките.

Дека оваа супа е здрава, потврдил и доктор Тим ​​Тиутан.

„Оваа неверојатна супа од растително потекло е полна со витамини, минерали и растителни влакна. Зеленчукот е богат со влакна кои помагаат да се контролира нивото на шеќер во крвта, го намалува холестеролот, го подобрува здравјето на цревата, помага при контрола на тежината и го намалува ризикот од рак“, објаснил тој.

За супата ќе ви требаат моркови, целер, кромид, компири, зачини, лук, зелен зеленчук (кељ, зелка, спанаќ), коцка за супа од зеленчук (бујон), домати пелато, грав (или наут), јачмен (или тестенини) и босилек.

Карли вели дека прво треба да ги исечкате сите состојки. Потоа загрејте големо тенџере на средно-висок оган. Се динстаат лукот и кромидот, па се додаваат морковите, целерот, компирот, ориганото, солта и биберот. Кога компирот и морковот малку ќе омекнат, во тенџерето сипете вода и коцката супа од зеленчук, додадете ги доматите пелато, гравот и јачменот. Кога водата ќе зоврие, намалете ја топлината и варете ја супата половина час. Украсете со свеж магдонос и уживајте.

Традиционалната италијанска минестроне супа подготвена на тоскански начин била едно од омилените јадења на најзначајниот човек на ренесансата Леонардо да Винчи.