Денеска во рамките од 10 коло во најсилното француско првенство потешко од очекувањата ПСЖ на домашен терен го совлада Анже со 2:1.

Во редовите на парискиот клуб не настапија Лионел Меси и Нејмар поради репрезентативните обврски во квалификациите за Светското првенство.

Нивното отсуство дефинитивно се чувствуваше на вечерашната средба, а по првите 45 минути домаќините имаа негатива. Фулгини после асистенцијата на Буфал во 36 минута им донесе изненадувачко водство на гостите.

Анже во вториот дел не ја задржа предноста и пропушти шанса со триумф да се искачи на второто место во генералниот пласман.

Најпрвин израмни Данило во 69 минута, а асистентот на тој погодок Мбапе стрелаше од пенал во 87 минута за поставување на конечниот епилог.

Ова е деветти триумф за составот на Покетино за прво место на табелата во „Лига 1“ со 27 бодови, девет повеќе од второпласираниот Ленс кој својот меч од оваа рунда ќе го има в недела кај Монпелје.

Голот на Мбапе не е од офсајд, но УЕФА ќе ги менува правилата