Хрватскиот пејач Петар Грашо кој на 26 и на 27 април ќе одржи концерти во Скопје, вели дека минатата година имал 127 настапи.

– Со мојот бенд тргнавме да броиме колку пати сме се качиле на сцената, било за концерти или емисии или хуманитарни настапи. Сме се качиле на сцената 127 пати за една година – раскажа Грашо во првиот дел од емисијата „Еден на Еден“ која ќе се емитува в недела на Канал 5 од 18.30.

На прашањето на Жаре, колку родителството го сменило, откако му се роди ќерката Алба и колку настапите сега ги прилагодува спрема неа, Грашо вели:

– Професијата е професија. Кога се роди ќерката, јас сите концерти ги објавував на Фејсбук, на Инстаграм, па некој коментираше: „Дали овој човек е некогаш дома? Како тоа тој може да работи, зошто не е повеќе со ќерката?“ Јас поминувам многу време со ќерката, но сигурно дека повеќе време со ќерките поминуваат некои татковци кои работат од 8 до 2 во некоја фирма. Но, од друга страна, поминувам повеќе време од некој татко кој е шест месеци на брод. Добро е што е мала и што може да оди со мене. На многу концерти беше, помина низ многу градови на Европа – рече Грашо.

Видеото во продолжение најавува мал дел од разгворот со пејачот кој ѝ е омилен на македонската публика.

(Комерцијален текст)