Фудбалерите на Осасуна го совладаа на својот стадион Рајо Ваљекано со резултат 1:0, во осмото коло од шпанската „Ла Лига“.

Во првото полувреме најдобрата шанса за Осасуна ја имаше Кике Гарсија, кој се прошета низ одбраната на гостите, но неговиот шут го запре македонскиот репрезентативен голман Столе Димитриевски. По првите 45 минути мируваа мрежите (0:0).

Осасуна имаше поголема иницијата во вториот дел, создаваше шанси, Мартинез во 71 минута беше блокиран во казнетиот простор на Рајо во чии редови Фалкао денеска немаше свој ден, претходно беше заменет во 57 минута од мечот.

За момент помислија сите дека овој натпревар ќе заврши без голови, но во судиското надополнување Санчез стрелаше за четврта победа оваа сезона на Осасуна и моментно петто место на табелата со 14 бодови.

На шестата позиција е Рајо кој до овој дуел имаше три победи по ред и остана на 13 бодови.