Поранешниот тренер на Партизан, Жељко Обрадовиќ, преку видео порака во траење од околу 20 минути им се обрати на навивачите и откри детали за неговиот однос со раководството на клубот.

Обрадовиќ најнапред се заблагодари за поддршката што ја добивал од навивачите, нагласувајќи дека неговата одлука да си замине била конечна уште кога првично ја соопштил. Во пораката тој отворено зборуваше за односите со управата на Партизан.

Тој повтори дека Партизан е клуб што го носи во срцето и дека, доколку станувало збор за некоја друга екипа, одамна ќе си заминел. Обрадовиќ вети дека некогаш, кога ќе дојдат подобри времиња, би сакал повторно да се врати во клубот, иако не може да каже во каква улога.

Видеообраќањето во целост може да се погледне подолу.

Преземено од: Спорт.ком.мк