ВИДЕО: Најубедлива победа на Црвена звезда сезонава во Евролигата
Кошаркарите на Црвена звезда вечерва во Белград го совладаа тимот на Монако со резултат 92:68 (23:15, 31:21, 18:14, 20:18) во натпреварот од 19 коло на Евролигата.
Најефикасен во српскиот состав беше Петрушев со 21 поен, додека Митровиќ имаше 15.
Кај Французите единствено двоцифрен беше Џејмс кој постигна 26 поени.
Црвена звезда сега има биланс од 10 победи и девет порази, додека Монако оствари 12 триумфи и седум порази.
Се одигра уште еден меч, Фенербахче на домашен терен со 79:71 славеше над Баерн. За Фенер Мотли забележа учинок од 22 коша и 17 скокови, додека за Баерн доминираше Рубит со 21 кош.
На табелата турскиот клуб е третопласиран (12-7), додека германската екипа е на 14 позиција (7-12).