Земјотрес со интензитет од 6,0 степени според Рихтеровата скала го погоди брегот на перуанскиот департман Анкас, северно од главниот град Лима, при што најмалку 25 лица се повредени во саботата навечер, соопштија властите, пренесува телевизија Латина.

Земјотресот се случил во 21:51 часот (локално време) во близина на брегот на градот Чимботе, соопштија властите.

⚠️📸Un sismo de magnitud 6.0 sacudió varias regiones del norte de #Perú la noche del sábado. El movimiento telúrico se sintió también en #Lima y otras zonas del país, generando alarma entre la población.

😮👇🏻El tenso momento quedó grabado en varios puntos gracias a cámaras de… pic.twitter.com/chmZrdEw5l

— TraficoPuebla (@Trafico_Puebla) December 28, 2025

Министерството за здравство соопшти дека земјотресот оставил „25 повредени“, од кои „12 се хоспитализирани“, а „13 се отпуштени“.

Во Чиботе, град со половина милион жители и пристаниште северно од перуанската престолнина Лима, општата болница била оштетена, како и училиштата и домовите, според снимките објавени вчера од медиумите.

На социјалните мрежи беа објавени видеа на кои се гледаат пукнатини во згради и стока расфрлана по подовите на супермаркетите.

#VIDEO | 🇵🇪 Un sismo de magnitud 6.0 se registró en la costa norte de Perú.

El movimiento telúrico fue percibido en ciudades como Chimbote, Trujillo y otras localidades cercanas, así como en algunas zonas de Lima

Se reportan heridos y viviendas afectadas. pic.twitter.com/0120FG0JWq

— heraldousa (@heraldousa) December 29, 2025

Перу, земја со 34 милиони жители, се наоѓа на Тихоокеанскиот огнен прстен, сеизмички најактивниот регион во светот, кој се протега од западниот брег на Америка до источна Азија.

Во 1970 година, андската нација претрпе еден од најсмртоносните земјотреси во последните 100 години, во кој загинаа 67.000 луѓе во регионот Анкас.