Пет атлетски стази на отворено ни се во програмата за капитални инвестиции за 2020. Дом за секоја федерација би било одлично. „Партизан“ во Карпош ќе биде реобновен и тоа ние го правиме како АМС и ние го доделуваме на општината. Тоа веќе станува општинска просторија која го дава на клуб или федерација. На сите федерации ќе бидат поделени објекти и се што ќе остане, а е значајно за самиот град се дели на општинските управи, изјави во Утрински брифинг директорот на Агенцијата за млади и спорт (АМС), Наумче Мојсовски.

-Како Агенција ги помагаме сите федерации па и ФФМ. За моја среќа директор сум 6 месеци, се случи пласман на фудбалерите на ЕП, ракометарите се стандардни на ЕП, одбојкарите и кошаркарите се тука, поедничените спортови се креваат и имаме едно помасовно учество на Олимписките игри. Пласманот на фудбалерите е историски и е поддржано од цела Македонија. Секој прв настап на големо натпреварување е тешко, вели Мојсовски.

-Капиталните инвестиции ни се приоритет. Почнати се шест пливачки базени, ќе објавиме нови четири. Ќе се реобнови големиот струшки базен и почнауваме да градиме интензивно. 99% од салите не се греат, работиме и на тоа поле. Самата пандемија покажа колку е важно спортувањето во младите години. Покажа дека поактивните со спорт короната ја прележаа на нога. Децата се затворија дома, моја заложба ќе биде масовно враќање на младите на улиците и во спортските арени. Да се врати оној спортски дух кој некогаш го имавме, додава Мојсовски.

Целиот разговор со првиот човек на АМС, Наумче Мојсовски, погледнете го во видеото: