ВИДЕО | Милевски: Имаме индивидуален квалитет и потенцијал да бидеме конкурентни на ЕП!
Фудбалската куќа на Македонија објави новогодишно интервју со селекторот на У21 репрезентацијата, Благоја Милевски.
Еден од најпризнатите македонски тренери во „Куќа на фудбалот“ зборува за последниот квалификациски циклус и „административната“ одлука која неговата генерација ја чинеше нов пласман на Европско првенство.
Слушнете го размислувањето на „Сер Боби“ за создавањето нови А репрезентативци и потенцијалот на новата генерација македонски фудбалери.
Воедно и за неговите размислувања во пресрет на настапот на Европското првенство кое ќе се одржи наредната година и сме во група со Холандија, Австрија и Украина.
– Им посакувам на играчите да бидат во добро здравје. Да бидат спремни и здрави што е најважно во оваа ситуација. Да уживаат на тоа Европско првенство, како награда на тоа што го направија нели во тие квалификации на Лига нации. Мислам дека индивидуален квалитет, поседуваме и тоа како, голем. Познавајќи ги нивните квалитети на играчите, индивидуални, и таму каде што настапуваат во најдобрите европски лиги, во добри и сериозни клубови, мислам дека имаме индивидуален квалитет и потенцијал да бидеме конкурентни во таа група и на ЕП. Да, според мојата филозофија, тимот победува, но тоа е друга тема на разговор – вели Милевски.